Амьдральд амжилттай сурч чадахгүй л байна

Билл гэйтсийг өөртэйгээ зүйрлэж
Харвардыг Анагаахтай андуурч
17 насыг нь 18-н настайгаа тэнцүүлж
Их сургуулиасаа гарсан.
Ажилтай болтлоо 5 жил
Амьдралд хөлөө олтолоо 10 жил
Амьралд цалин дэнүү бага
Ажил нь дэндүү уйтгартай
Гээд тоочоод барахгүй шалтагласан ч
Миний хүү сургуульдаа яв гэсэн ганцхан өгүүлбэр аав ээж хэлсэн юм

Сургуулиа шорон мэт төсөөлж
Эрх чөлөөтэй бизнес хийх хүсэл минь
Аав ээжээ 2 жил хуурахад хүрч
Хуурсаар хуурсаар худалч болгосон юм
Ертөнцийн маргааш дуусахгүйн адил
Миний сургуулиасаа гарсаныг дуулахаасаа өмнө хонхны баярын цэцэг барьвал яанаа гэж бодохийн

Баян аав, Ядуу аавыг яаж 2-р курсдээ уншсан юм.
4-тээ уншиж ойлгосон бол баларлаа ш дээ

Алдаатай амьдрал минь

Сарын 20-д гараад ирэхээр л хамаг сэтгэл санаа мөнгө рүү гүйгээд байх юм. Учир нь Би Анод, Хаан банкинд зээлээ төлдөг юм л даа. Банкнаас авсан мөнгөөрөө мөнгө дуудаж эрх чөлөөг эдлэх гэсэн биш, өрөнд унаж хөлдөө тушаа, гарандаа гав авч бүхэл бүтэн 4-н сар өөр өөрийгөө хорьчихсон тэнэг билээ. Болохоосоо болохгүйг хийж бизнесмэн цолыг авдаг гэдэг. Болох бодитой /тогтмол ашигтай бизнес / зүйл ерөөсөө хийгээгүй ч бор хэдэн төгрөг чамалхааргүй олчихдог нь угаасаа хөлдүү толгойтойг маань гэрчилэх биз. Олох арга нь тун энгийн, энд тэндэхийн наймаа банз, тендер бичиг баримт боловсруулах, зөвшөөрөл лиценз авч өгөх, бүр такси-нд явна гээч. Даанч энэ бүхэн өнөөдөрөө бодож маргаашаа мартсан явдал болохоор тэсрэх шахах өөр өөртөө уурлах юм. Үүнээс хойш ирээдүйдээ хөрөнгө оруулж бизнесд мэргэшиж ном уншъя, хэл суръя гэхээд суухад "Би хаан банкны эдийн засагч байна. Танай аавынд ирсэн байна. Барьцаа хөрөнгөө хураалаа гэж" сүрдүүлэхээр өөрийн эрхгүй нулимс бөндөгнөн унаж хөл газраас хурдан хөндийрж дахиж хэзээ ч суухгүй гэсэн амнаасаа андагаа тангарагаа гаргадаг нь нууц бишээ.
Бодоод байхад эрсдэлтэй, эндэгдэлтэй бизнесийг ар гэрээ хол хөндий байлгаж өөрөө балгаа үүрээхээр хийх хэрэгтэй юм шигээ.

Арсалантай гүүрийн доор, голын усыг хааж коток байгуулсан нь анхны бүтээн байгуулсан бизнес байлаа.
Хоосон халаастай, гүйцээгүй бодолтой, байгүй үйлдэлтэй оюутан хэдий ч хог хуралдаж, нохой шувуу шаагалдсан, хэн ч тоож хардаггүй хотын хаягдмал газрыг хүүхэд шуугалдсан хүн бүхний очих дуртай газраар төсөөлөн хөлсөө туслуулан хүслээ нэг хангасан ч 'F' гэсэн үнэлгээ авсан. Дараагийн Баар, рестарон, биллярд, кароаке-гээд комплекс үйлчилгээний газар түрээслэж ажиллуусан нь авах дүнгээ "D" болгож хувиргасан юм. /одоо бодоход их л муу ажиллуусан санагдаж байна /
Энэ 2 ажлаасаа унах унаа, ухаан нэмэх мэдлэг чадвар хуримтлуулсан нь одоо миний утсан улаан амийг авч яваа гэхэд болно. Бас болоогүй олсон ашиг маань Охидод шунах, Охид мөнгөнд шунуулах 2-г тэнцүүлж нэг хэсэгтэй толгойг минь хүйснээс доогуур гуянаас дээгүүр байрлуулж өдөр шөнийн шоу цэнгээнийг бүтэн жил үргэлжилүүлсэн юм. Ингэж бүтэн жил бүтэж болж байгаагаа олонд тэнэгдэлтэйгээ хамт зарласныг бодохоор бардам инээмсгэлтэй нүүрээ хэнд харуулахаа мэдэхгүй самгардаж сууна.

Эхлэл

Сайн байцгаана уу? Намайг Хосбаяр гэдэг. Гэхэдээ Зохоо гэж дуудуулах дуртай л даа. Ихэнхи хүмүүс тэр дундаа хамтаатанууд маань намайг бүрхэг ирээдүйтэй гэж боддог байх. Харин би тэгэж боддоггүй, эсрэгээрээ залуу насыг минь бүрхэсэн манан дунд төөрч будилж яваа л гэж боддог. Энэ блогоос та миний тойруу сэтгэж, бүтэлгүйтсэн олон хөгжилтэй явдал болоод сайн сайхан зүйл рүү хэрхэн тэмүүлж зүтгэж явааг маань унших болноо